Ka thlalak

Nuih hi a hri sel an ti....:-)

1.Tlangval pakhat pawh kha, a mawlin a a khawp a, vawi khat pawh uiin a seh a, a ui zawk chu a a daih!

2.Nu: Mama, i va'n meng rei ve, hei dar 11 a ri tawh asin...
Fapa: Chuti chu ka'n maimichhing dawn em ni?

3.Tlangval pakhat nula rim kha a leng rei ve awm khawp mai; a haw dawnah a nula rim chuan, "La leng rawh, hei a la zing alawm..." a ti tawp!

4.Tlangval pakhat pawh kha, zu a heh khawp a, zan khat chu a in lo a, a chhungte'n zu a in thin tih an hre ve chauh!

5.Naupang pakhat, fing kir ker zet mai hi a nuin bazar-ah a hruai a. An kalna lamah chuan nurse pakhat an tawk a, a nu chuan a fapa hnenah chuan, "Mama, ani hi i pian hlima nangmah chhartu che a nih hi," tiin a hrilh a. Naupang chuan, "A ni tak ang a, ka hmuh hnu a ang ka ti reng a ni," a lo ti khauh!

6.Damlo: Ka vawi khat inzaina tur a nia, ka huphurh kher mai...
Doctor: Chuti ve bawk maw? Kei pawh ka vawi khat tihna tur ve tho a nia, ka huphurh tawlh tawlh mai!

7.Japan rama ninja-ho hian swine flu an vei ve dawn lo a ang khawp mai!

8.Nu ber chuan, "Pa ber zing atanga ruih chhur reng mai, a zia lo lutuk. I hetih vang a nih hi kan fate pawh an that theih loh," a lo ti hlaih hlaih a. Pa ber chu a ngawi vung vung a, "Lal Isua pawh kha Kraws lerah mualpho thei ang berin misual thihin an thih tir a. Mari khan Josefa hnenah, 'I hetih vang hi a nih hi Kraws-a Isua an khenbeh,' a ti a ti lo," a ti a... an nu chu a ngawi hmak..

9.Nula pakhat pawh kha, a puitling reuh khawp a, ama pa ngei pawhin pa enin a en vel!

10.Sapho chu an taima bawk a, buai pawh an buai thei hle. Hunawl te hi an nei ve lo a, duh hun huna mi ina len te pawh an ching ve lo. Mi ina an len dawn te hian phone-in, "Hei, lo len ka tum a, a rem em?" tiin an zawt lawk phawt zel. A buai zual tak tak phei chu an len duhna te inah chuan an va kal phawt a, "Hei rawn len a rem leh rem loh phone-a rawn zawh che u ka tum a, a rem em?" te an va ti phawt thin! Tichuan, "rem e" an lo tih chuan an haw vang vang a, in an thlen hnuah phone chuan an va zawt ta thin a ni!

11.Nu pakhat pawh kha, a'n mawl awm asin, fa a hring ve a, a pasal a ringhlel vel! "I fa ni lo ang, ka lakah i rinawm lo a ni," te zuk ti a!

12. An khaw nula zaithiam pawh kha, a zaithiam awm khawp mai, a muhil lai te hi an han en thin a, zaithiam hi an ti em em zel!

13.Mala: Tunlai chu ka bialnu nen ka ban a, ka 'mood' a fuh thei lo...
Lala: Engatinge chutia i ban mai? I duh viau khan ka hria a...
Mala: Duh chu duh e. Mahse, a thil chin a mawi lo lutuk a, mi zinga tin seh a ching a...
Lala: Chutiang te chu inbanna chhan a tling hlei nem, nula dang pawhin tin seh te chu an ching fo a, tin, tlangval pawhin an ching fo a.
Mala: Nia, a dik khawp mai. Mahse, ani chu a dan a dang alawm, a tin tihah a kezungtang tin seh a ching a, mi zingah a seh leh thin a!

14.Chanchinbumi pakhat pawhin minister a interview ve a, zawh tur a hre lo lutuk a, "Eng nge i horoscope?" te a ti vel!

15.Zawhna : Engati nge Pathian hian hmeichhiate hi a va siam mawi bik ve?
Chhanna : I hmangaih theih nan.
Zawhna : Mahse a va siam mawl si ve?
Chhanna : An hmangaih ve thung theih nan che.

Source: Zozam

Myself

Hei hi ka hmangaih leh min hmangaih tu ka chhungte chu an ni.Tunah hian Satawm,Tahan ah an khaw sa mek.Kei hi chu kan ram din hmun in a zir loh a vang in mi ram(Shillong)ah lehkha zir in ka awm.